Политиките и праксите поврзани со човековите права во Македонија се сеуште високо раководени според доминантните традиционални и морални вредности. Ваквиот начин на позиционирање кон концептот за човековите права резултира со недостаток на свест за истите проблеми, како и со недостаток од конкретни мерки преземени од страна на државата, а во насока на промоција и заштита на човековите права на различните маргинализирани групи.

Мисија на организацијата:
НВО "ИЗБОР" е невладина, непрофитна и непартиска организација,  основана во 1997 година како резултат на растечките потреби на заедницата од одговор и помош во намалувањето на  штетните последици од употребата на дрога, како што се превенцијата од ширење на инфекциите на ХИВ, Хепатит Б и Ц и други заболувања  кои заради  ризичното  однесување се карактеристични за нашите целни групи, притоа борејки се против опасните маргинализации и етикетирања и злоупотреби на основните човекови права, преку создавање на нови коалиции и партнерства.

Х.Е.Р.А. е непрофитна организација формирана со слободно здружување на граѓаните, со цел остварување на основното човеково право на жените, мажите и младите да бидат информирани и да можат слободно да го остваруваат својот избор во однос на сексуалното и репродуктивното здравје, како и застапување за обезбедување на тоа право.